Ez duzu gona luzerik,
ez duzu xapel* xingoladunik,
ez duzu soineko dirdirarik,
ez duzu izar makilarik,
ez duzu jauregirik
ez eta batzuetan printzerik.

Baina hala ere berdin berdin
zara ene Mariona,
begietan baituzu izar sakona,
aintzira umel,
irrian dirdira pindartsu,
besoetan jauregi epel,
bihotzean supazterren su,
eta izar makilak dantzan
dituzu zure kantan !


Luixa Giltzu 2010

*xapel : txapel