Laino pinpirina - 1. fitxa : Denak gara desberdinak

1. FITXA : DENAK GARA DESBERDINAK

HELBURUAK :
- Den-denak desberdinak garela probatzea.
- Norbera eta bere kide eta lagunen arteko diferentziez ohartzea.
- Diferentziek ez gaituzte zertan urrundu behar, aberastu baizik.

KONPETENTZIAK :
- Elkarrizketa eta iritzi trukada sustatu ikasleen artean.
- Barne begirada bultzatu.
- Norberaren jende ingurua ezagutu.

ANTOLAKETA :
- Ariketa hau bakarka eginen dute hasieran. Gero talde ttipitan trukatu eta bilduko dute bakoitzak bere aldetik idatzi duena : zertan gara desberdinak ? Bukatzeko, gela osoak idatzizko bilduma eginen du. Irakasleak arbelean zerrendatuko ditu ikasleek aipatzen dituzten ezaugarriak : ezaugarri fisikoak (ilea, neurria, pisua, azalaren kolorea, begien kolorea…), zaletasunak, gustuko animaliak, etab.


AZALPENA :

Ikasleek orri batean beren ezaugarriak idatziko dituzte : ilea, neurria, pisua, haurrideen kopurua, etxearen ezaugarriak, etxe-abereak, burasoak (aita eta ama, bietariko batekin bakarrik, adoptatua…), zaletasunak (kirolak, eskulanak, zinema…), maniak, panpinak…

- EZAUGARRI FISIKOAK : ilea, neurria, pisua, adina…
- FAMILIA : haurrideen kopurua, burasoak (aita eta ama, bietariko batekin bakarrik, adoptatua…)
- INGURUA : etxearen ezaugarriak
- ZALETASUNAK ETA ABAR : kirolak, eskulanak, zinema…, maniak, panpinak…

Bakoitzak bere ezaugarriak idatzi ondoren, binaka elkartu eta bertze orri batean idatziko dute ikasle horiek zertan ez diren berdinak.

Ondoren, gauza bera egin launaka eta bukatzeko gelakide guztien artean desberdintasunen zerrenda egin.

Ikasleei ohartarazi pertsonak franko desberdinak izaten ahal garela baina horrek ez duela erran nahi gu bezalakoa ez dena baztertzeko eskubidea dugunik. Izan ere, horrela balitz, edonor baztertzeko eskubidea dugula erran nahiko luke (denak ezberdinak baikara) baina, baita edonork gu baztertzeko eskubidea duela (nehor ez delako ni bezalakoa).

PDF - 374.6 ko
Laino pinpirina - 1. fitxa : Denak gara desberdinak

CC-by-nc-sa - Dokumentu hau Creative Commons Attribution-NonCommercial-ShareAlike 2.0 France License lizentziapean dago.