Zineskola

2019an « Zineskola » dispositiboa berriz martxan ezarriko dugu helburu honekin : euskara irakasleei eta beren lehen mailako ikasleei euskarazko animazio filmak eta laguntza pedagogiko egoki bat eskaini. Ikas dispositiboan sartu da partaide gisa.

2019an « Zineskola » dispositiboa berriz martxan ezarriko dugu helburu honekin : euskara irakasleei eta beren lehen mailako ikasleei euskarazko animazio filmak eta laguntza pedagogiko egoki bat eskaini. Ikas dispositiboan sartu da partaide gisa.

2019an, kalitatezko filmak proposatu nahi ditugu, jarraipen hobea, bitartekaritza tresna eraginkorragoak eta filmen ikusteko errestasun gehiago, emanaldien egutegi zabalago batekin ipar Euskal Herriko zine geletara joateko.

2019ko edizioaren datu garrantzitsuenak :
- Filmak : « Grufaloa » (3 urtetik goiti) – « Harpetarra » (6 urtetik goiti) – « Zarafa » (4 urtetik goiti).
- Zinegelak : Baiona, Biarritz, Donibane Lohizune, Hazparne, Urruña, Kanbo, Maule, Donapaleu, Donibane Garazi eta Hendaia.
- Tokien erreserbatzea : 2018ko irailetik goiti.
Ikastetxeek zuzenki harremanetan sartu beharko dira hurbilen duten zine aretoarekin.
- Emanaldiak : 2019ko otsaila eta martxoan (Grufaloa eta Harpetarra), 2019ko apirila eta maiatzean (Zarafa).
- Prezioa haur bakoitzarentzat : 2.5 €.
- Garraioa : eskola bakoitzak antolatuko du bere garraioa autobus konpainiekin zuzenki harremanetan sartuz.

Xehetasun gehiagorentzat, ondoko helbidera idatz iezaguzu : zineskola.ieh@gmail.com

Partaideak : Euskal kultur erakundea, Udaleku, Gabarra Films, Cinévasion, Ikas

Filmak :
GRUFALOA
2009 – Erresuma Batua – 55 min
Zuzendariak : Jakob Schuh & Max Lang
Sagu txiki bat poz-pozik dabil basoan. Gosetuta dago eta sabela betetzeko hurren bila joatea erabaki du. Bidean, bera bezain gosetuta dauden azeria, hontza eta sugearekin topo egin du. Hirurek etxera gonbidatu nahi dute bazkaltzera, baina sagua ez da haien asmoez fio eta modu atseginean ezetz esan die haien gonbidapenei ; izan ere... grufaloarekin hitzordua du ! Baina... zer da grufalo bat ?
Ezagutu Grufaloaren eta haren alabaren mundu liluragarria... Julia Donaldson idazleak, haur-literatura modernoan erreferentea denak, sortutako samurtasunez eta balioz betetako bi abentura dira.
Emanaldiak 2019ko otsaila-martxoan | 3 - 6 urtetara

HARPETARRA
2018 - Erresuma Batua – 1:29
Zuzendaria : Nick Park
Dug harpetarra eta Urde basurdea dira Aardmanen abentura berri honetako protagonistak. Bi zibilizazio, Harri Arokoa eta Brontze Arokoa, lehian ari dira historian bitartetxo bat lortzeko. Nola ? Ba euren arbasoek irakatsi zien moduan : "joko sakratuarekin". Historian jokatuko den partidarik epikoena izango da !
Jokoan ez dago kopa bat, baizik eta Dugen tribuak bizirik jarraitzea. Euren basoa arriskuan ikusten baitute Brontze Aroko gizon maltzur eta bilau bat heltzea, Jaun Nooth.
Emanaldiak 2019ko otsaila-martxoan | 6 - 11 urtetara

ZARAFA
2013 - Frantzia – 1:18
Zuzendariak : Rémi Bezançon, Jean-Christophe Lie
Herrixkako umeak baobab handiaren azpian elkartzen dira, lekuko agureak kontatzeko dituen istorioak entzutera. Bertan, 10 urteko Makiren eta Zarafa jirafa umezurtzaren arteko adiskidetasun sendoari buruz hitz egingo die, azken hori Egiptoko pashak Frantziako erregeari egingo dion opari bihurtu baino lehen. Hassan, desertuko printzeak, Zarafa Frantziara eramateko misio arriskutsua bete beharko du, baina Makik etxera bueltan ekartzen setatu da, nahiz eta horretarako bizia arriskatu behar izan.
Sudanetik Pariserako bidaia luzean zehar, Alexandria, Marseilla eta elurrez estalitako Alpeetatik igaroko dira, arrisku izugarriei aurre eginez. Horrela, Makik eta Zarafak ikasiko dute elkarrekin mantenduz gero, dena gainditzeko gai izango direla.
Emanaldiak 2019ko apirila-maiatzan | 4 - 11 urtetara