Gertakariak
IKUSI-MIKUSI azoka
Lehen aldikotz, 2020ko apirilaren 3an eta 4an IKUSI-MIKUSI Euskal Haur eta Gazte Literatura Azoka eginen da Saran, Lapurdin. Proiektua Galtzagorri elkarteak, Pamiela argitaletxeak eta Kiribil antzerki konpainiak elkarlanean sortu dute: apirilaren 3a eskolen eguna izanen da eta 4a familien eguna. Euskal Herri osoko ikasleak, eta jendartea elkartu nahi ditu, euskarazko haur eta gazte literaturaren inguruan. Irakurketak, ikuskizunak, tailerrak... programa aberatsa proposatuko dute.
Argitasun gehiago: https://www.galtzagorri.eus/fitx/ckfinder/files/IKUSI%20MIKUSI%20Txosten%20Didaktikoa.pdf

Aplikazioak
Itzultzailea Elhuyar
Elhuyarren itzultzaile automatikoak sei hizkuntza hauen arteko itzulpenak egiten ditu: euskara, gaztelania, frantsesa, ingelesa, katalana eta galegoa. Askotariko formatuak dituzten dokumentuak itzultzeko aukera ematen du Elhuyarren itzultzaile automatikoak. Adibidez, Microsoft Office eta Libre Officeko dokumentuak. Mugikorrerako aplikazioa ere badu.
Itzultzailea Elhuyar

Egunean Behin aplikazioa
Egunean Behin tribial estiloko galdera-erantzunen joko bat da. Erabiltzaileek 10 galderako galdetegi bat erantzun beharko dute (egunean behin, egunero partida bat), ahalik eta denborarik laburrenean. Astean zehar jokatutako 7 partidetan onena izan denak oparia jasoko du igande gauero; eta astelehenetan partida berria hasiko da. Euskaratik eta euskaraz sortutako 50.000 galdera daude gehituta datu-basean.
Egunean Behin aplikazioa

Esaera Zaharrak
Euskara ikastea eta dohain jolastea posible da Esaera Zaharrak jokoarekin. Esaera Zaharrak esaera zaharrak ikasteko jolas dibertigarria eta hezitzailea da. Euskal hizkuntza modu entretenigarriago eta errazago batean ikasi nahi duten hasiberrientzat zein euren ezagutza praktikan jarri nahi duten euskaldun zaharrentzat dago egina.
Esaera Zaharrak