Lan postu eskaintza - Argitalpen proiektu arduraduna

Ikas pedagogia zerbitzuak euskarazko baliabide pedagogikoak argitaratzen ditu. Eginkizun hori Hezkunde nazionalarekin eta Euskararen erakunde publikoarekin hitzartua du.
Ikas zentroa egitura ttipia baita, lan taldea zalu eta ernea du.
Langile baten ordezkatzeko, Ikasek bigarren mailako argitalpen proiektu arduraduna bilatzen du. Denbora osoko lan kontratu finkoa da, Uztaritzeko egoitzan kokatua.

Eginkizuna

Akatsik gabeko dokumentuen ekoiztea bigarren mailako irakasleen eta ikasleentzat, barne eta kanpo baliabideak kudeatuz eta koordinatuz.

Lan mota nagusiak 

  • Euskal irakasleen eta ikasleen beharretan oinarritzen diren argitalpen proiektuen sortzea eta burutzea
  • Proiektuen garatzeko urratsen planifikatzea
  • Enpresa kanpoko eta barneko zerbitzu hornitzaileen kudeatzea eta koordinatzea (idazleak, itzultzaileak, ilustratzaileak...)
  • Idazleen eta itzultzaileen testuen kontrolatzea (beharrez berriz idaztea) baldintzen bildumen araberakoak direla segurtatzeko
  • Argitalpenen eguneratzeko beharrei adi egotea
  • Proiektuetako aurrekontuen kudeatzea eta menderatzea
  • Zerbitzu hornitzaileen sarearen garatzea eta sustatzea (zerbitzu hornitzaileen aurkitzea, haien formatzea...)
  • Etengabeko hobekuntzako urraspidean aritzea eta proposamen ekarle izatea

Eskatu gaitasunak

  • Maila bikaina euskaraz eta frantsesez (idatziz)
  • Harreman gaitasunak
  • Sortzeko gaitasuna
  • Lehentasunen kudeatzeko gaitasuna
  • Zorroztasuna eta antolatzeko gaitasuna
  • Zerbitzu hornitzaileekin negoziatzeko gaitasuna
  • Proposamenen egiteko gaitasuna
  • Argitalpen saileko informatika programa batzuen ezagutza estimatuko da (Indesign...)

Langilearen hautatzeko urraspidea eta egutegia

- CV zehatza eta motibapen gutuna eskuz idatzia, euskaraz eta frantsesez, Ikasera igor berantenaz 2020ko azaroaren 30ean, helbide honetara : Ikas zentroa, Lapurdi bizkondeen karrika, 81 – 64480 Uztaritze.

- Hizkuntza eta teknika sailetako probak, eta ondotik elkarrizketak 2020ko abenduan.

Eginkizun fitxa
Appel à candidature FR
Fiche de poste