UEU 49 - Euskara beti eta hobeki, Dudaken tresna oinarri
Uztailaren 8an, Etxepare lizeoan iraganen da UEUk eta Ikasek antolatu formakuntza.
Azken urteetan frantsesaren kalkoak franko emendatu dira Iparraldeko euskaldunen testu idatzietan eta ahozko mintzoan. Egoera horretaz oharturik, Ikas pedagogia zentroa “estilo liburua” baten osatzen ari da, huts errepikakorrenak agerian eman eta euskara hobetzeko tresna bat eskaintzeko asmoz.
Ikastaro honetan, delako tresna, DUDAKEN, aurkeztearekin batean, huts edo petto ohargarrienak erakutsiak izanen dira eta zuzentzeko bideak eskainiko.
Ikastaro hau UEUk eta Ikas pedagogia zentroak elkarlanean antolatu dute.
Irakaslea
Céline Mounole, Baionako fakultateko Euskal Ikasketen Saileko irakaslea (UPPA) eta Iker zentroko ikertzailea.
Helburuak
Huts nagusiei ohartaraztea
Ikasen estilo liburuko fitxen probatzea (funtzionaltasuna)
Ariketa praktikoen bidez akatsen zuzenketaz jabetzea
Edukiak
Gramatika eta hiztegi sailetako gaiak landuko dira, besteak beste, bere/haren ; edo/ala, bera/berdina, zer/zein, konparantza, mugagabearen? erabilera, partitiboaren erabilera, ba- aditz aurrizkia?, perpaus erlatiboak?...
Izena eman
Uztailaren 1a arte.
http://www.ueu.eus/ikasi/udako-ikastaroa/1622/Euskaraz%2Bbeti%2Beta%2Bhobeki%252C%2BDUDAKEN%2Bhizkuntza%2Btresna%2Boinarri
UEUren eskaintza
Horra Baionan eginen den eskaintza :
> Pandemia eta Zuzenbidea : ezohiko neurrien azterketa Euskal Herritik. (uztailak 7)
Hizlariak : Joana Falxa ; Pauline Guelle ; Ekain Payán Ellacuria ; Eneritz Zabaleta.
> Euskaraz beti eta hobeki, DUDAKEN hizkuntza tresna oinarri. (uztailak 8)
Hizlaria : Céline Mounole. IKAS-ekin elkarlanean antolatutako ikastaroa.
> Krisia(k) eta burujabetza(k) sindemia garaian. (uztailak 8-9)
Hizlariak : Mirene Begiristain, Miren Aranguren, Elena Beloki, Txomin Poveda, Soziologoa, Egoitz Urrutikoetxea, Floren Aoiz, Ximun Fuchs, Eider Rodriguez, Arantza Santesteban, Joseba Permach... eta abar. Iratzar Fundazioarekin elkarlanean antolatutako ikastaroa.
>Euskalgintza irudikatzen : mapa, arbola eta beste zertzelada batzuk. (uztailak 9)
Hizlariak : Xan Aire, Kamila Gratien, Garikoitz Goikoetxa, Jon Sarasua. Antolatzailea : Eneko Gorri. Elkarlanean : Euskal Hirigune Elkargoa, Hendaiako Herriko Etxea, Mintzalasai elkartea.
> Euskara gaitasuna lantzen : Interneteko baliabideak ezagutuz. (uztailak 9)
Hizlariak : Klara Ceberio, Saroi Jauregi, Igor Leturia (Elhuyar), Battittu Coyos ; Araceli Diaz de Lezana eta Oscar Guadilla. Antolatzailea : EEP