Durangoko azoka: abenduaren 3tik 8ra
Aurten pandemia dela eta, Durangoko azoka molde digitalean eta molde presentzialean eginen da (sartzeko baldintza bereziekin), abenduaren 3tik 8ra.
Ateak goizeko 10:00etatik zabalduko dira arratseko 20:00ak arte. Bisitariek azokan bertan sartu ahal izateko, 1:30 oreneko 5 txandetariko batean eman behar dute izena azokako webgunean.
Momentu honetan ez dakigu pase sanitariorik beharko den bertan sartzeko.
Ikas pedagogia zerbitzua Goienkale 26 mahaian izanen da.
Ikasen berritasuna
Hartzaño eskolara doa
Egileak: Alain Broutin, Frédéric Stehr (ilus.)
Generoa: Haur literatura 3 urtetik goiti
Eskolako bidean, Hartzañok basurdea, axeria, igela eta apoa aurkitzen ditu.
Bakoitzak jarduera interesgarria proposatzen dio : tindua, orea...baina eskolara berantean heldu da....Eskolatik kanpo ere ikasten ahal dea?
Gaiak: lehen ikasgaiak, eskola sartzea, ametsa
Iparraldea Durangoko azokan
EKEren laguntzarekin, Iparraldetik egitura hauek izanen dira azokan:
Argitaletxeak: Gatuzain, Ikas, Lako 16, Maiatz, Zortziko, ZTK, Elkar.
Diskoetxeak: Saroia, Belarri.
Bestelako egiturak: Iparraldeko ikastolak, Xofaldia produkzioak, Hatsa elkartea.
Autoekoizpena: Buru beltza elkartea.
Iparraldeko editoreen berritasunen eta hitzorduen berri, EKE-k egin duen liburuxka honetan.
Ikus ere Iparraldeko idazle eta artisten hitzorduak Durangon.