Hiru otso CDa

[Sorkuntza] Egilea(k): Amaia Hennebute-Millard
Musika: Jesus Aured.

Inprimaketa data: 2009ko irailean CDa
Prezio publikoa: 11 € / Iparraldeko ikastetxeen prezioa: Dohainik.

Hiru otso CDa : hiru ipuinen grabaketa, musikaz lagundua

Amaia Hennebutte Millard-en HIRU OTSO izeneko obra: hiru album eta CDa.

Bereziki bigarren zikloko ikasleei zuzendua.

Ipuinak sarean entzungai:

- Hiru xerri ttipi: ipuin tradizionalaren egokitzapena
- Otsoa, axeria eta ahuntzak: euskal mitologiako leienda bertsotan.
- Otso gosetua: otso istorio berria.

Ustiapen pedagogikoa

- Ikus sarean: http://www.ikas.eus/spip.php?article783

Sarean

’Hiru otso’ trilogia atera du Ikasek, ipuinetik soinura, osoki berezia den lana

http://paperekoa.berria.info/plaza/2009-11-21/039/002/lege_info.htm

Haurren beldurrak islatzen dituzten otsoen istorioak bildu dituzte hiru liburu eta disko batean

Nora Arbelbide.
Uztaritze

Ikas pedagogia zentroak sorkuntza berri koloretsu bat dakar urte bukaerarako. Hiru otso hiru liburuk eta disko grabaketa batek osatzen duten bilduma da. Gainera, eta ez baita usu gertatzen, Ikasekoek berek azpimarraturik, hastetik buru sorkuntza lan berezi baten emaitza da proiektua. Izan ere, hiru liburuetako ipuinak Senpereko Amaia Hennebutte Millardek idatziak ditu. Lehenean, Hiru xerri ttipien ipuin ezaguna arramoldatua du. Fanny Millardek ilustratu du. Bigarrena, Otsoa, axeria eta ahuntzak euskal mitologiako kondaira bertsotan eman du, Luca Eno Trimaldik Txinako tintaz loratu duena. Hirugarrena Otso gosetua da, ipuin asmatua eta gaurko munduan kokatzen dena, Lontxo Iriartek ilustratua. Guztien irakurketa musikatua proposatzen dute diskoan, Jesus Aured musikariak girotua.

Euskara CDak Otsoa Hiru Otso CP - 1. urtea CE1 - 2. urtea CE2 - 3. urtea