Umezurtza Enregistrer au format PDF

Ni umezurtza naiz,
hala ere diot Besta on,
xerkatuz zorion(a).

Nork zabalduko dizkit besoak ?
Nork prestatuko bere altzoa ?
Ni umezurtza bainaiz,
eta hala ere baitiot Besta on.

Zeinek du sorbalda aski zabala,
ibil nazan konkolotx ?
Zein da aski betea den bihotz(a)
entzun dezadan maitasunezko hots(a) ?
Ni umezurtza bainaiz.

Nork idatziko dit olerki bat
esperantzazko elez beztia,
idurizko epel eztia,
nik ere erran dezadan Besta on,
xerkatzen baitut zorion(a).
Olerki bat eztia, esperantzaz jantzia,
gau ilunetan mintza nadin izarrei,
Besta on erranez, dirdirazko planetei,
haien dirdiran kausi dezadan
diseinatu nauenaren begirada sakona,
haren bisaia amultsu eta ona,
ni umezurtza bainaiz,
eta hala ere baitiot Besta on,
xerkatuz zorion(a).

Luixa Giltzu 2010/04

Thèmes culturels PDF Aita-amen bestak Olerkia CM1 Très Petite section Petite section Moyenne section Collège – 6ème Grande section CP CE1 CE2 CM2 Collège – 5ème Collège – 4ème Collège – 3ème Lycée – seconde Lycée – première Lycée – Terminale Enseignement aux adultes

CC-by-nc-sa