Ipuinak

- "Bi punturen artean, zein da biderik laburrena"
Jakintzalariak erantzuna:

  • - "Biderik zuzenena"

- "Bi punturen artean, zein da biderik laburrena?“
Olerkariak erantzuna:

  • - "Biderik ederrena"

    JosAnton Artze

Ipuinak
Oihaneko giroa sendi dut enea,
hostopean hobea da anitzez airea,
galtzen banintz ez kezka, amatto maitea,
Erpurutxok badaki etxeko bidea!

Txanogorritxurekin nahi nuke ibili,
xendera* hertsietan bilduz anitz lili,
ai, sasi gibelean otsoa han baledi,
nik ez nuke heziko, basa geldi bedi!

Ez naiz Tupindegiko zioten Arroxali,
atxikia Parisi eta hiriari.
Hirian baldin banaiz so naiz mendiari,
zurekin bizi nahi dut etxoletan Heidi !

Mari Errauskin ez ito etxeko lanetan,
nehork zafra nahi ez dituen errautsetan,
kanpoko jauregiak itsu liluretan,
ez zaitezela fidatu printzeen hitzetan!

Eta Mattin Ttiki hori, zer mutil argia,
Basajaunei gezurka, a zer ausardia,
disimuluz bildu du abarkan garia,
herriari ekarriz asearen ogia !

Ipuinean har nezake, bide bihurriena,
oihan, mendi, itsaso, othe larreena,
kasko argitsu edo zola ilunena,
biderik ederrena fantasiarena !

Luixa Giltzu 2007/05

* xendera : xendra

Gai kulturalak PDF Olerkia Ipuina CM1 - 4. urtea TPS - 2 urtekoak PS - 3 urtekoak MS - 4 urtekoak Kolegioa - 6.a GS - 5 urtekoak CP - 1. urtea CE1 - 2. urtea CE2 - 3. urtea CM2 - 5.urtea Kolegioa - 5.a Kolegioa - 4.a Kolegioa - 3.a Lizeoa - 2.a Lizeoa - 1.a Lizeoa - Terminala Helduen erakaskuntza