Otsoa PDF formatuan gorde

Gau izartsuan, arbola artean
begi ederren dirdira,
otsoa beilan mendixkan dago
ilargiari begira.

Muino gainetik, ilargi betez
otsoa uhuka da hasi,
intziri batez gizonari dio
bakean nahi duela bizi.

Nahiz eta larre eta eremu hau
ez den bakarrik berea,
gerizatu nahi du bere emea,
eztiki hazi umea.

Belarriak xut adi jarri da
usain bitxi bat du usma,
bailara aldetik, jada suma du
mehatxu eta gizona.

Eremu hertsia du amets gaixto,
kaiolan ezin da bizi,
fidatu gabe urrunago doa
jendeetatik ihesi.

Negar xorta bat begi xokoan
gehiago ez daki non gorde,
uhuka dio ilargiari,
bizi nahi lukeela libre.

Luixa Giltzu 2009/2010

Gai kulturalak PDF Otsoa Olerkia CM1 - 4. urtea TPS - 2 urtekoak PS - 3 urtekoak MS - 4 urtekoak Kolegioa - 6.a GS - 5 urtekoak CP - 1. urtea CE1 - 2. urtea CE2 - 3. urtea CM2 - 5.urtea Kolegioa - 5.a Kolegioa - 4.a Kolegioa - 3.a Lizeoa - 2.a Lizeoa - 1.a Lizeoa - Terminala Helduen erakaskuntza

CC-by-nc-sa