Gereziak Enregistrer au format PDF

Zuhaitzak ikusi nituen biluzirik
neguan karroina zelarik,
eta ikusi ditut hostotan
udaberriko hastapenetan,
baita ikusi loretan
maiatzeko egunetan…

Zuhaitza ikusi dut gerezitan
udako beroen ataritan,
gerezi gorriak ene hortzetan
senditu ditut frankotan,
kroskatu hamaiketan,
goizeko ihintzetan,
ez ditut ahanztekotan !

Amak ezarriak erreximentetan,
hautatuz lerrokatutako poteetan,
hedatuz ogi freskotan,
baita bokaletan siropetan,
harrotutako pastizetan,
arratsaldez krakada xamurretan !

Halako gereziak errubi gorritan,
nahi nituzke gaurko haurren pentzeetan,
ziren bezala ene haur garaietan,
geldi daitezen oroitzapenetan,
gaur diren bezala nireetan,
datozen biharamunetan !

Luixa Giltzu

Thèmes culturels PDF Uda Urtaroak Olerkia CM1 Très Petite section Petite section Moyenne section Collège – 6ème Grande section CP CE1 CE2 CM2 Collège – 5ème Collège – 4ème Collège – 3ème Lycée – seconde Lycée – première Lycée – Terminale Enseignement aux adultes

CC-by-nc-sa