Janari dendan - antzerkia PDF formatuan gorde

PDF - 31.6 KB
Janari dendan - antzerkia
kattalin Sallaberryren antzerkia

Obra hau copyrightaz gerizatua da. Baimenik gabe kopiatzea, zabaltzea edo berrekoiztea debekatua da.
©Ikas, euskal pedagogia zerbitzua, 2010.

Eroslea: Egun on, anderea.
Saltzailea: Bai zuri ere! Oinez etorri zira?
Eroslea: Ba araiz! Horrelako aroaz baliatu behar da kirola pixka baten egiteko! Ez dea hala?
Saltzailea: Bai segurki! Zer berri zuen auzoan?
Eroslea: Egia erran ez naiz sobera jakinean azken egun hauetako euriekin ez baitut jende handirik mintzatu. Bakoitza bere etxean kokatua egona da!
Saltzailea: Egia duzu! Niri ere jendea pirka-pirka jin zait.
Eroslea: Bon! Ez bainaiz kalakan aritzera jina, hara zer behar dudan : kafe pakete bat, olio pinta bat, kilo bat sagar, dozena bat arroltze, gasna horren laurdena. Iduritzen zait zerbait ahanzten dudala.
Saltzailea: Harrazu denbora, ez dugu presarik.
Eroslea: Eta bai! Irina! Hori gabe xahu naiz! Arratsalde honetan matahamiak egin beharrak ditut Pettanen urtebetetze kari.
Saltzailea: Zenbat urte egiten du?
Eroslea: Zazpi!
Saltzailea: Ui,ui,ui,ui! Denbora nola iragaiten den
Eroslea: Bai eta gu harekin! Funtsean, osagarria duguno, ez dugu zinkurinka aritu behar!
Zenbat zor dizut?
Saltzailea: 26,95 euro, plazer baduzu.
Eroslea: Horra. Orain haia-haia etxerat joan behar dut, orea egin eta oren batez bederen pausatzera utzi behar baita. Egun on eta ondoko egunak arte!
Saltzailea: Krakada on eta laster arte!

Jokalariak: Saltzailea eta eroslea
Autorea: Kattalin Sallaberry
Argitaratzailea: Ikas
Argitaratze data: 2010/12/21
Maila: 3. ziklotik goiti

Euskara PDF Antzerkiak CM1 - 4. urtea Kolegioa - 6.a CE2 - 3. urtea CM2 - 5.urtea Kolegioa - 5.a Kolegioa - 4.a Kolegioa - 3.a Helduen erakaskuntza