Larrialdietan - antzerkia PDF formatuan gorde

PDF - 33.4 KB
Larrialdietan
Kattalin Sallaberryren antzerkia

Obra hau copyrightaz gerizatua da. Baimenik gabe kopiatzea, zabaltzea edo berrekoiztea debekatua da.
©Ikas, euskal pedagogia zerbitzua, 2010.

Haurra: Ai, ai, ai! Min dut. Noiz etorriko da medikua?
Ama (edo aita): Badakizu, larrialdietan pazientzia behar da. Batzuetan berehala hartzen dute baina gehienetan igurikatu behar da. Gainera gaur, larunbat arratsa izanki, segur sendagileek lana ukanen dutela.
Haurra: Uste duzu zerbait hautsia dudala?
Ama (edo aita): Gaixoa, ez naiz mediku. Laster jakinen dugu.
Erizaina: Gau on. Zer gertatzen zaizue?
Ama: Bizikletan ibilki zelarik, tontor batengatik erori da eta orain sorbaldan min du.
Erizaina: Sar zaitezte gela horretan; medikua ahal bezain laster etorriko zaizue. Gaur lanpetuak gara. Ez dakit haize hego honek duenetz jendea harrotzen baina jadanik hiru zauritu sartu zaizkigu. To, hara medikua.
Medikua: Zer du gazte honek?
Erizaina: Bizikletatik erori da eta sorbalda minbera du.
Medikua: Besoa luzatzen ahal duzu?
Haurra: Bai, bai, sorbalda ez baldin badut mugitzen.
Medikua: Uste dut klabikula hautsia duzula. Erradiografia eginen dizugu. Baduzuia beste minik? Burua kaskatu duzuia erortzean?
Haurra: Ez, zernahi gisaz kaskoa soinean nuen.
Medikua: Biba zu. Kaskoa beti soinean ezarri behar duzu buruaren gerizatzeko.
Ama: Hautsia baldin badu, zer gertatuko da?
Medikua: Ikusiko dugu haustura zer heinetan den. Hain segur, zenbait denboraz beso-zurkaitz batekin egonen zara. Gero, operatua izanen zara eta burdinazko plakatxo batzuk ezarriko dizkizute hezurren ontsa finkatzeko.
Haurra: Min eginen du?
Erizaina: Ez. Operazio denboran lokartua izanen zara. Anestesia orokorra eginen dizute.
Medikua: Ez baduzu beste galderarik, erradiografia-gelara eramanen zaitu erizainak. Xantza duzu ezkerreko besoa duzula ezindua. Gauza anitz zuhaurek egiten ahalko duzu.}
Ama: Zuk errazu! Eskolako lanak bederen egiten ahalko ditu!
Haurra: Bai, baina ez naiz playan aritzen ahalko!
Erizaina: Goazen orain.

Jokalariak: Haurra, haren ama, erizaina, medikua.
Autorea: Kattalin Sallaberry
Argitaratzailea: Ikas
Argitaratze data: 2010/12/21
Maila: 3. ziklotik goiti

Euskara Arte heziketa - Arteen historia PDF Antzerkiak CM1 - 4. urtea Kolegioa - 6.a CE2 - 3. urtea CM2 - 5.urtea Kolegioa - 5.a Kolegioa - 4.a Kolegioa - 3.a Helduen erakaskuntza