Hartxoa baratzean gaindi - batuaz

[sorkuntza] Egilea(k): Xantal Barnetxe .
Ilustratzailea(k): Laure Gomez .
Argitalpen arduraduna: Aines Dufau.
Hizkuntza gainbegirada: Jean-Louis Davant euskaltzaina. Boza(k): Xantal Barnetxe.

Inprimaketa data: 2022ko ekaina Albuma + entzungaia sarean, 17 x 24 cm, 28 or., Isbn: 978-2-84963-237-6
Prezio publikoa: 5 € / Iparraldeko ikastetxeen prezioa: Dohainik.

Har ttipia etxetik sobera urrundu da; lo egin behar du eta aterpea baratzeko fruitu batean bilatzen du.

Gaiak: udazkeneko fruituak

Ustiapen pedagogikoa Ipuina entzun

Laburpena

Har ttipia etxetik sobera urrundu da ; lo egin behar du eta aterpea baratzeko fruitu batean bilatzen du.

Zati bat

Goiz-goizik, atera da egun hartxoa, baratzea bisitatu nahian. Anitz ibili da; bidaia luzea egin du etxetik urrundua dela ohartu gabe. "Zein akitua naizen ! Lo egin behar dut, baina ezin dut etxera itzuli, urrunegi bainaiz orain. Hemen nonbait ohe bat aurkitu behar dut." pentsatzen du bere baitan.

Sarean

- Kanalduderen animazio filma


- www.berria.info - Mantagorri - 2012/07/07 {Xantal Barnetxe - IDAZLEA} {{{«Gizarteak sortzen dituen egoerak haurrekin eztabaidatzeko modua da»}}} Har txiki bat eta beldar jaioberri bat dira bi liburu hauetako protagonistak. Aterpe bila dabil lehena; jolas egiteko lagunen bilabestea. Baztertuak sentitzen dira biak. Elkarbizitzaz eta gizartean sortzen diren arazoez hitzegiteko aitzakia polita dira ipuinak. {{Zer kontatzen da?}} Hartxoa baratzean gaindi liburuan har txiki baten istorioa kontatzen da. Harra etxetik urrundu da, eta sobera nekatua dago. Baratzean aterpe bat atzematea erabakitzen du. Fruitu batzuk aurkitzen ditu, baina denak jadanik hartuak dira, eta bertan diren hartxoek ez diote ongietorria egiten. Beste liburuan, berriz, beldartxo sortu berria da protagonista. Bakarrik izatea ez zaio gustatzen, eta lagun baten bila doa. Bertze marmutxa batzuk aurkitzen ditu, baina ez da haien motakoa, eta ez dute harekin jostatu nahi. Beldartxoa bere xokoan borobiltzen eta lokartzen da. Atzartzean, zoriona ezagutuko du. {{Animaliez eta naturaz ikasteko bidea ematen da.}} Egia duzu! Animaliak protagonistak dira, haurrek animalien istorioak maite dituztelako. Elkar bizitza aipatzeko eta gure gizarteak sortzen dituen egoera larriak haurrekin eztabaidatzeko modu bat da. Hartxoaren istorioan gaia da duguna partekatzea bertzeekin. Beldartxoaren kasuan, ezberdintasuna aurkezten da. Istorio honek badu Ahate itsusia-rekin zerikusia. Nor bera ttikitan ez bada onartua, heldu eder bat bihur daiteke. Azken irakaspena da beti bidea aintzinat segitu behar dela, nahiz eta oztopoz betea egon, geroan gauzak hobetuz doazelako. {{Liburuak CD bat dakar.}} Ipuinaren irakurpen bat jasotzen da, bi euskalkitan: lapurteraz eta xibereraz. Ohartzen gara gurasoek ez badakite euskaraz ez dizkietela haurrei euskal libururik erosten edo kontatzen. Modu hau lagungarri izaten ahal da euskara ikasten duten gurasoentzat, edo euskaldun ez diren familietan haurrak euskal liburuak ukan ditzaten. Ongi da ttikiek ipuinak entzun ditzaten, eta, irakurtzen hasten direlarik, gida gisa balia ditzaten. {{Zein da helburua?}} Irakasleek ikasgelako materiala gisa erabili nahi badituzte, bi gai nagusi aurkituko dituzte: elkarbizitza eta bizidunen munduaren ezagutza. Horrez gain, hizkuntza eta antzerkia lantzeko parada ematen dute istorioek. Haurrek haien artean harremanetan sartzeko hautatzen dituzten esaldiak erabiltzen dira solasaldietan. Haurren artean bat-bateko hizkuntza euskara izateko modu bat da. {{Laure Gomezek apaindu ditu istorioak.}} Eskertu nahi dut Laure, ene entsegu kaieretan egin nituen marrazkien izpiritua atxiki duelako. Erabili dituen forma borobilduak, kolore ederrak eta sentimenduen adierazpenak ipuinei behar zuten goxotasuna ekartzen diete. Ez zen hautu hoberik. Aines Dufau Ikas-eko zuzendariarena izan da hautua; eskerrak eman nahi dizkiot.
Euskara Munduaren ezagutza Literatura albumak CDak Larrazkena Harra Fruituak Udazkena PS - 3 urtekoak MS - 4 urtekoak GS - 5 urtekoak