Usmafin inspektorearen inkestak 3. zikloa
64 inkesta ebazteko
Fitxa bakoitzak "polizia"-enigma baten ebaztea proposatzen du. Seinaleen atzemateko irakurketa arretatsua eta sakona behar da egin.
Lan horri esker plantan ezartzen dira matematiketan eta zientzietan biziki baliagarri diren arrazoinamendu- eta logika-praktikak. Testu eta inkesta mota bat baino gehiago proposatzen ditugu: aterabideen baztertzea edo ondorioztatzea, gezurren zilatzea, kodeen deszifratzea, nahasiak diren testuen ordenatzea, galdeketei erantzutea, hutsuneak dituzten testuen betetzea, hautu anitzeko galdeketei erantzutea, zuzen ala oker den atzematea... Enigmaren ebazpena irakurketaren eta logikaren lantzeko bide bat baizik ez da.
Ikastalde anitzetan probatua izan da fitxategia, arrakasta handirekin: irakurketan zailtasunak dituzten ikasle frankok berriz atzeman dute horretarako gustua... Liburuaren bukaeran erantzunak aurkituko dituzu bai eta enigmaren ulertzeko beharrezkoak diren azalpenak.
Sarean
BERRIA - 2017-04-16 - Imanol Mercero
http://www.berria.eus/paperekoa/2140/039/005/2017-04-16/usnalarientzat.htm
Irakurketa tekniketan, bilaketetan eta testuen azterketetan trebatzea du xede, hipotesien egiteko eta aterabide logiko baten gauzatzeko», diotso sarrerak.
Ez zait iruditu haurrek euren kabuz erabiltzeko liburua, baina bitartekari eskuzabal batek sekulako zukua atera diezaioke, ikerketa narrazioen (gogoratu Eskubeltz taldearen abenturak arrakastatsua) eta literatura pedagogikoaren ertzean dabilen ariketa liburu bat delako.
64 ikerketa fitxa eskaintzen dira, bederatzi multzotan. Formatua berdintsua da fitxa guztientzat: Usmafin izeneko ikerlari batek delitu bat ikertuko du, eta, dituen zantzuez baliatuz, erruduna nor den ebatziko du, irakurleak egin beharko duen era berean, irakurketa aktiboaren laguntzaz.
Fitxa multzo bakoitza irakurketa ariketa jakin batekin lotua dago, hau da, «A multzoko fitxak: gezurra antzematea», «B multzokoak: aterabide ez egokiak baztertzea», eta abar. Eta multzoko fitxak zailtasunaren arabera ordenatuta daude.
Liburua ikasgelan erabiltzeko pentsatua dagoenez, diseinua ere hartarako du: liburuaren hastapenean fitxa multzo bakoitzeko giltzarriak ematen dira, eta amaieran erantzunak.