Hitzen iruditegia / Ane Arzelus, Denonartean, 2019

Liburu hau zapore bat baino gehiagoko goxoki multzo gisa gozatzen da. 30 hitz, 30 sartze, 30 goxoki. Errezeta: etimologia filosofiarekin nahasia, gehi ahurtara bat poesia, jakitate birbira batekin piztea, dena umorez nasaiki estalia... Marrazki ederrekin zerbitzatua...
Mintzaira laket zaienei zuzendua da liburua baina bide polita da haurrei euskara maitearaztea. Gainera, liburuan irakurtzen den bezala, “Errepidea, beti leku berean egonez, urrunera iristen da.” Hitzak ere...
Hizkuntzaren aberastasunez jolasten da, euskalkiak barne, ikuspuntu orokorra emanik. Beharbada, ez zara inoiz ohartu, baina “sudurrean behatza sartzea zailagoa da Bizkaian”, beste leku batzuetan baino, ez hobeki heziak direlako, baizik eta behatza hitza oineko erhien izendatzeko baizik ez baitute erabiltzen...
Ane Arzelus marrazkilaria da nagusiki, harritzekoa iduri luke hitzak zein ongi josten dituen ikusirik, baina irudigile gisa idazten du, ikusmolde bisuala du hitzez eta haren azalpenak kolorez beteak dira. Hitzaurrea Juan Kruz Igerabidek egin du eta egokia da. Bada ahaidetasun kutsu bat bien artean. Biek sentsibilitate handia erakusten dute beren testuetan, umorearen gibelean kukutua.
Hitzen iruditegia, irudimenaren pizteko hiztegia!

Ikus 2020ko otsaileko erakusleihoa: Etxe honetan

IKASOLAS