Arimen gaua, xanduli manduli

Xanduli, manduli
kikirriki...
Eman gaztainak guri!

Xanduli, manduli,
kikirriki...
Eman goxokiak guri! (Bis)

Arimen gaua

Trapu zaharrak jantzi, berriak erantzi,
Goazen jendea ikaratzera
Arbia utzi garbi eta hala bazan
kalabaza hustua utzi plazan
Sua arbian sua sua kalabazan
Joan gaitezen
Gauean taldean kax-kax atean
Sua arbian sua sua kalabazan
Joan gaitezen
Gauean taldean kax-kax atean
kax kax kax
Xanduli, manduli, kirrikiki...
Eman jatekoak guri
Xanduli, manduli, kirrikiki...
Eman jatekoak guri
Gaztainak hurrak goxokiak
Denak ongi etorriak (x2)

Hotza heldu da
Arimak heldu dira

Gau beltza (Xabier Terreros)

Urriaren hogeita
hamaika heltzean
sorgin-arrats, arima
hilen gau beltzean
kalabazak, arbiak
hustu baratzean
ikusi ezinean
kandelak jartzean
arima erratuak
itzalen atzean.

Herri bakoitzak bere
erritual fede
ta ohiturak garatu
ditu mendez mende
nahiz sortzeak hiltzea
duen beti lege
zer dela ta ez gara
ausartzen behin ere
Heriori zeharka
begiratzen ere.

Arratoiaren begi
apoaren bihotz
saguzarraren buru
laban, sega, aihotz
“ziri edo sari” oihu
aldaba zaharrak joz
terrorezko maskarak
ipinita gatoz
norberaren ikarak
ezkutatu asmoz.

Eskaparate oro
eder dekoratuz
guztia dago salgai
trukoz eta tratuz
utik! Goazen kalera
bertsoak kontatuz
beldurrezko kondaira
ahaztuak kantatuz
etxean ditugun lau
trapu zahar hartuz.

Estatu Batuetan
nahiz ezagun egin
zeltiarrek bezala
hemen ere berdin
kalabazak, maskarak
kandelei eragin
izaera antzeko
ta izen desberdin
aspaldi ospatzen da
gurean Halloween.

Arimen gaua, Pirritx eta Porrotx

Beltza da gaua
denok kandelak piztu
gaztainak erre,
ta kalabazak hustu
izarak jantzi
mamu zaharrak berpiztu.
Katu beltza ari da
miau ta miau
ai, oi, ene beldurrak
harrapatu nau
gau osoan
ez legez ez arau
oihu ta alarua
Zer emango zenuke
zure arimaren truke?

Gau beltza - Loa eta Laia

Saguzar eta kaskezurrak,
sorginak eta mamuak,
gaur denok dantzan ari gara
auzoko akelarrean,
jira eta bira hodeietan,
irrintzi eta oihuak.

Gau beltza
zatoz ondo pasatzera
Gau beltza
beldur denak uxatzera

Piztu kandelak herriz herri
eta margotu aurpegiak,
trapu zaharrak, gaztaina erreak,
aintzinako istorioak,
guztiok batera hustu kalabazak
eta bete ditzagun plazak.

Gau beltza
zatoz ondo pasatzera
Gau beltza
beldur denak uxatzera