Etxe zahar zaharra
Oihan xokoan,
pentze bat ondoan,
badut etxe zahar bat,
han xutik aspaldikoan.
Arrailak murruetan,
kurrinkak leihoetan,
haize egunetan.
Etxe gibelean,
aranondoa loretan,
primaderetan.
Eta ilargi xuritan,
huntza uhuka,
balkoi argitan !
Xakurra trebeska atean,
gatua lo nonbaitean.
Neguan teilatutik dilingo izotza,
kanpoan delarik hotza,
etxe xaharrean epel bihotza,
sukaldean entzuten baitut,
aiten aiten ahotsa.
Luixa Giltzu